Nisser

Nisser er ein innsjø i kommunane Nissedal og Kviteseid i Telemark. Namnet kjem frå gammalnorsk «Niðrsær», der første del «Niðr» har tydinga «nedre», medan andre del «sær» tyder «sjø», altså 'Den nedre sjøen'.

Hovudtilløpet kjem via «Straumen» frå Vråvatn. Utløpet skjer via Nisseråna, som ved Haugsjåsund går saman med Fyresdalsåna og blir til Nidelva som møter havet ved Arendal. Systemet er ein del av Arendalsvassdraget.

Nisser er den største innsjøen i Telemark og den 13. største innsjøen i Noreg. Lengda er om lag 35 km. Ved sørenden av insjøen ligg tettstaden Treungen.

Kjelder

• Artikkelen om Nisser på Wikipedia (nynorsk), besøkt 3. januar 2026