Plasset (Birkeland)
Plasset (Haslebakken, Numedalsplasset) var ein husmannsplass under bnr. 1 på Birkeland heilt nord i Bygland. Staden låg i heimejordet, sør i garden, ikkje langt frå bytet med Sordal. I dag står det ei hytte like ovafor der Plasset låg. Murane skal framleis syne.
Staden var i bruk frå ca. 1829 til rundt 1891. Gunnar Sigurdson Lie (f. 1790, d. 1871) var den første husmannen. Den siste var Olav Sjurson Lauvkjennhaugen (f. 1810, d. 1891).
Kjelder
- Reidar Vollen, Bygland gard og ætt, bind I, utgjeve av Bygland kommune, 2002, side 77–80