YX Evje
YX Evje er ein kombinert bensin- og servicestasjon på Verksmoen sør for Evje sentrum. Stasjonen ligg sentralt plassert langs Rv-9, Setesdalsvegen, og trafikken gjennom Setesdal passerer rett forbi. Innehavar er Egil Bjorå. Bedrifta vart etablert av far hans Notto Bjorå i 1966, med Caltex som leverandør av bensin. Seinare blei det Texaco. Egil tok over som drivar etter foreldra i 1991.
I september 2015 fekk stasjonen 10 nye bensin- og diselpumper, og heile anlegget fekk ny utsjånad med nye, friske fargar. Årsomsetninga i 2015 låg på om lag 38 millionar kroner pluss moms. Det var 10–12 tilsette, fordelt på 8–9 årsverk.
Våren 2021 blei det installert fire nye Clever ultrafast chargere (lynladarar) for el-bilar på stasjonen.
I september 2022 vann innehavar Egil Bjorå prisen for Norges beste sjølveigar i YX-kjeda for 2022.
I byrjinga av november 2024 stod eit nytt tilbygg ferdig, med plass til om lag 45 spisegjestar.
Kjelder
- Sigurd Haugsgjerd, YX-stasjonen i nye, friske fargar på Evje, artikkel i Setesdølen nr. 78, 2015, side 8
- Sigrid Åsen Haugsgjerd, ''Vann høgthengande kjedepris, artikkel i Setesdølen nr. 72, 2022, side 12
- Artikkel om nye superladere på YX Evje på OpplevEvje.no 19. februar 2021