Egil Kåre Løvland
Egil Kåre Løvland (fødd 19. november 1916, død 19. januar 2002) vaks opp på Lauvland på Evje, men budde i Oslo. Han var utdanna ingeniør. Egil Kåre var under andre verdskrig med i ei kommunistisk motstandsgruppe i Evje, med forgreiningar til «Lumbergruppa» i Kristiansand. Han blei arrestert av tyskerane 15. september 1942, og sat i fangenskap i fleire konsentrasjonsleirar i Tyskland til freden våren 1945.
Familie
Egil Kåre var son av Gunnar O. Løvland (f. 1873, d. 1935) og Birgit T. Løvland (f. Oterholt 1874, d. 1945). Han var yngst av 10 syskjen som levde opp.
Kjelder
- Om Egil Kåre Løvland på Fanger.no
- Ellen Miøen Sæther, Lauvland. Fra nybrottsbruk til fritidsbruk, utgjeve av Evje og Hornnes sogelag, 2013