Hovden Hytteservice
Hovden Hytteservice er ei entreprenørbedrift med hovudkvarter på Hovden og ei avdeling i Seljord i Telemark. Verksemda har rundt 75 tilsette (2023). Dagleg leiar er Jo Breivegen.
I 2011 omsette Hovden Hytteservice, som vart etablert i 1998 av Jo Breivegen og Yngve Breivegen, for om lag 50 millionar kroner pluss moms. I 2015 var omsetninga auka til rundt 120 millionar kroner netto. I løpet av 2015 investerte selskapet i nytt utstyr verdsett til 52 millionar. I 2021 omsette selskapet for 240 millionar kroner. Selskapet har to aksjonærar, Breivegen Invest, som eig 65%, og Paasan Invest, som eig 35%.
Selskapet hadde lågaste anbod på utbygginga av Krokå-Langeid-parsellen på Riksveg 9. Hovden Hytteservice har (2016) brøytinga av Brokke-Suleskarvegen som fast oppdrag. Det var også Hovden Hytteservice som var hovudentreprenør på ny Rv-9 på strekningane Bjørnarå-Optestøyl og Badstogdalen–Hartevatn i Bykle. I mars 2023 vart det kjend at Hovden Hytteservice skulle bygge ny fylkesveg 359 Kaste–Stoadalen i Nome i Telemark. Kontrakten var på 378 millionar inkludert mva.
Under årsmøtet i Maskinentreprenørenes landsforbund i Stavanger i mars 2017 blei Hovden Hytteservice heidra som Årets opplæringsbedrift innan anleggsfaga i Agder. Firmaet hadde fem lærlingar i 2017. Hausten 2022 blei dei tildelt Setesdalsprisen for 2022 under Setesdalskonferansen 2022 på Hovden.
Kjelder
- Ole Birger Lien: Hovden Hytteservice AS med lågast anbod på Krokå-Langeid. Artikkel i Setesdølen nr. 36, 2012 side 5
- Ole Birger Lien, Har investert for 52 mill på eitt år!, artikkel i Setesdølen nr. 24, 2016, side 6
- Hovden Hytteservice fekk opplæringspris, stykke i Setesdølen nr. 21, 2017, side 4
- Ole Birger Lien, Hovden Hytteservice med over 240 mill. i omsetning, artikkel i Setesdølen nr. 5, 2022, side 6
- Sigurd Haugsgjerd, Telemarkskontrakt til 378 mill. kr., artikkel i Setesdølen nr. 22, 2023, side 7
- Om Setesdalsprisen 2022 på heimesida til Setesdal Regionråd