Støyledalslåmi

Støyledalslåmi er eit 22 km langt turrenn i Bykle. Det blei første gong arrangert i 1994, og var då ei vidareføring av Staveneslåmi. Arrangør er Bykle IL. Rennet startar og har mål i Bykle ljosløype. Rennkontoret er i Bykle samfunnshus. Skirennet har turklasse, mosjonsklasse, trim og familieklasse. Traseen er ei rundløype på 11 km som ein går to gonger. Trim og familieklasse har kortare løyper.

I 2020 blei rennet arrangert for 27. gong. Over 100 løparar deltok i rennet, som var på skuddårsdagen 29. februar 2020. I 2022 blei det gjennomført 26. februar 2022.

Kjelder

• Omtale hos bykle.kommune.no
• Ole Birger Lien, Over 100 gjekk Støyledalslåmi i Bykle, artikkel i Setesdølen nr. 18, 2020, side 6