Bjørnarå (elv)

Bjørnarå kjem frå traktene oppover mot Store Bjørnevatn i Valle og renn ut i Otra ved Bjørnarå heilt sør i Bykle. Oppover i vassdraget heiter ho Vasstøylsåni. Bjørnarå er ein av bekkane som er tatt inn i Brokke Nord-utbygginga. Det er bygt bekkeinntak i Bjørnarå med overføringstunnel til Dam Sarvsfoss. Derfrå går vatnet vidare til bruk i Skarg kraftstasjon. I tillegg til Bjørnarå er fem mindre bekkar kopla på overføringstunnelen.