Sira-Kvina Kraftselskap

Sira-Kvina Kraftselskap blei skipa 4. oktober 1963. Formålet var å bygge ut kraftkjeldene i Sira og Kvina. Selskapet har sju vannkraftverk i Rogaland og Agder. I tillegg er det ein pumpestasjon ved Hundevatn i Sirdal. Totalt installert effekt er 1 760 MW , fordelt over 16 aggregat. Årsproduksjonen er på vel 6 300 GWh. Det svarar til om lag 5 prosent av kraftproduksjonen i Norge.

Selskapet har fire eigarar. Lyse Produksjon eig 41,1%, Statkraft Energi eig 32,1%, Skagerak Kraft eig 14,6% og Agder Energi Vannkraft eig 12,2%. Selskapet har hovudkontor og driftsentral på Tonstad.

Kjelder

• Informasjon om søkaren i ein søknad til Valle kommune om å få sette opp vèrstasjon i området nær Roskrepp kraftstasjon. Søknaden var til handsaming i møte i Valle plan- og miljøutval 5. juli 2016
• Sira-Kvina Kraftselskap, Revisjonsdokument – Sira-Kvina reguleringen, dagsett desember 2015