Hardingvegen
Hardingvegen var ein handelsveg over fjellet mellom Breive i Bykle og Røldal i Hardanger.
Mange byklarar gjekk over heia for å vere med på marknaden i Røldal. Dette var på 1700-talet og litt utover på 1800-talet. I Røldal var det hestehandel og handel med krøter. Vegen var også brukt for pilgrimsferd til Røldal stavkyrkje. I 1835 sette styresmaktene ein stoppar for denne valfarten. I staden kom hardingar over fjellet motsett veg, for å selge hestar i Setesdal. Det skal ha vore marknad på Byklum til 1920-åra.
Kjelder
- Torfinn Normann Hageland, Gamle vegar og buplassar i Setesdal Vesthei, artikkel i Vandringer i Setesdal Vesthei, Friluftsforlaget, 2008, side 255–256