Auvervassåi
Foto: Geir Daasvatn
Auvervassåi er ei elv i Bykle. Ho renn ut av Auversvatn (1144 moh.) i fjellet aust for Hartevatn, sør-aust for Hovden. Først renn ho i nord-vestleg retning til Hartevasstjønni. Frå Hartevasstjønni renn ho sørover gjennom Badstogdalen, under Rv-9 ved Badstogdalen rasteplass og vidare ut i Otra frå aust ved Vråhylen.
Elva er regulert. Ved utlaupet av Hartevasstjønni i sør er det bygt ein terskel. I nordre enden er det bygt ein sperredam med luke for overføring av vatn til Børtemannsbekken.
Kjelder
- Kart, GISLINE Webinnsyn Setesdal
- Om namnet på elva hos Statens Kartverk
- Reidar Tveito, Riksveg 9 - Bruer og særtrekk langs vegen, utgjeve på eige forlag, 2014, side 220
- Otteraaens Brugseierforening, Revisjonsdokument – Reguleringskonsesjoner i Otravassdraget, 2021, side 35–36