Viki (Bykle gnr 10 bnr 10)

Viki 5. juli 2017.

Foto: Geir Daasvatn

Viki var eit bureisningsbruk (gnr. 10 bnr. 10) i Nordbygdi, på sørsida av Botsvatn, i Bykle. Bjørgulv F. Nesland (f. 1909, d. 1983) tok til å dyrke opp bruket i 1938. Han og kona Guro Olsdotter Nesland (f. Rygnestad 1909, d. 2005) dreiv bruket fram til 1970. Då flytta dei derfrå på grunn av dei komande vassdragsreguleringane. Etter oppdemminga av Botsvatn går vatnet heilt opp til husmuren når magasinet er fullt. Folke Nesland, eldste son til Guro og Bjørgulv, overtok eigedomen i 1977. I 2006 overdrog han eigedomen vidare til sin son, Bjørgulv Nesland (f. 1977). I dag brukast Viki som fritidseigedom.

Kjelder

• Olav M. Holen, Nordbygdi - slik ho var, 2. utgåve, 2013, side 31

Eksterne lenker

• Artikkelen om Viki på Lokalhistoriewiki, etter Heimar og folk i Bykle (Aanund Olsnes)

Kart

Laster kart ...