Sjur Bjåen
Sjur Bjåen (fødd 1909, død 2000) var fjellmann, jegar, fiskar, turistvert og gravemaskinførar. Han var fødd og oppvaksen på Bjåen heilt nord i Bykle, men budde mot slutten av livet på Hovden. Der hjalp han systera Margit med turistverksemda hennar på Hartevassbu. Han budde også i lag med henne i bustaden i Stusseli bustadfelt frå 1978. I 1946-1947 var Sjur pelsegar på Svalbard, saman med brørne Jon og Knut og syskjenbarnet Olav Såvesson. Dei skal ha skote 168 isbjørnar, noko som skal vere verdensrekord for eit jaktlag på ein sesong.
Krigsinnsats
Sjur Bjåen var lagførar i Milorg på Bjåen. Etter razziaen på Jøssingbu i januar 1943 måtte han flykte, og kom til England.