Setesdalsvegen (Evje og Hornnes)
Setesdalsvegen i Evje og Hornnes er den strekninga av Riksveg 9 som går gjennom kommunen, frå fylkesgrensa mot Vest-Agder ved Kvernhuslona i sør til kommunegrensa mot Bygland ved Byglandsfjord dam i nord. Bustadane, fritidsbustadane og verksemdene langs vegen har «Setesdalsvegen» som offisiell vegadresse. Nummereringa byrjar på 1000 i sør. Vidare nordover langs vegen har Bygland adresser på 2000-talet, Valle på 3000-talet og Bykle på 4000-talet.