Vatndalsdammen
.jpg){kind=link}
Vatndalsdammen er ein steinfyllingsdam i austenden av Vatndalsvatnet i Bykle. Den er 120 meter høg og er ein av dei høgaste dammane i Europa. Ved foten er dammen 365 meter brei, og massevolumet er på 4,2 mill m³. Vatndalsdammen (hoveddam og sekundærdam) vart opna 4. oktober 1983 av dåverande olje- og energiminister Kåre Kristiansen. Etter at dammen vart bygd, har Vatndalsvatnet ein magasinkapasitet på 1150 mill. m³ og reguleringshøgda er 140 meter. Vatnet i dammen vert nytta til energiproduksjon i Holen kraftverk.
Historie
Rettane til regulering av Vatnedalsvatnet stammer frå 1912. I dag er heile Vatndalen neddemt. Den første dammen vart bygd frå 1917 til 1919. I 1943 starta arbeidet med å bygge ein større reguleringsdam. Den vart fullført i 1947 og magasinet hadde då ein kapasitet på 142 mill m³.
Turistattraksjon
Vatndalsdammen er ein turistattraksjon og det er skilt «Dammar» ved riksveg 9 på Berdalsbru som viser vegen til dammen.