Bjåen fellesfjøs
Bjåen fellesfjøs ligg rett ved Riksveg 9 på Bjåen heilt nord i Bykle. Det blei bygd i 1979, og er eit samarbeidsprosjekt mellom søskenbarna Sigurd Aslaksson Bjåen (f.1943) på Hovden Fjellstove og Sondov Sveinsson Bjåen (f. 1946) på bruket Kvæven. Dei to har saman dyrka omlag 250 mål med eng, storparten av dette nordanfor Fjellstoga på arealet til Breivassflotti. Med desse nybrota i tillegg til det som fanst frå før på bruka deira har dei grunnlag for å fø ein temmeleg stor buskap i fjøset.