Fagersand
Foto: Geir Daasvatn
Fagersand er ei lang sandstrand på nordsida av Senumskilen i Byglandsfjorden, ytst på ein odde i søre enden av Runebergmoen på Senum. Det går sti frå Senumsvegen gjennom Kringlemoen og Runebergmoen til stranda.
Historie
Før Senumsund bru kom i 1966, rodde folka på Senum og Byglandsfjord mykje over fjorden. Dei hadde båtane sine på Fagersand og ved Dampsaga på Byglandsfjord-sida. Også fergemannen på Gullsmedmoen rodde folk til og frå Fagersand mot betaling. Frå Fagersand gjekk det sti både til Senum og nordover mot Horverak og Bø.
Kjelder
- Reidar Tveito, Ridesti og gamle vegspor omkring Byglandsfjord, 2017, side 29-31