Hornnes idrettslag

Side 1 i protokollen frå stiftingsmøtet 30. august 1945.

Hornnes idrettslag var eit idrettslag i Hornnes kommune. Laget vart stifta 30. august 1945. Lagt skulle frå byrjinga drive med friidrett og skisport, og vere med i dei respektive krinsane. Elles var tanken at laget skulle ha tilbod om fotball, handball og turn, utan at ein førebels ville søkja seg inn i desse krinsane. Frå starten var det 21 vaksne medlemer og 12 barn og ungdomar under 18 år. Klubbdrakta i friidrett skulle vere kvit singlet med ein raud H på venstre side av brystet. Buksa skulle vere blå med ein raud strek. Skidrakta skulle vere ein marineblå genser med kvit H på venstre side av brystet.

Torgrim Dåsnes var den første formannen. Elles skal Henrik O. Moseid ha vore ei drivande kraft i laget frå 1945 til han døydde i 1953.

Hornnes idrettslag og Evje idrettslag blei slått saman i 1960, og fekk namnet Otra IL.

Formenn

• Torgrim Dåsnes 1945-1946
• Knut Austegard 1947
• Kjetil Tveit 1948-
• Arne Daasvatn
• Sigbjørn Kjetså -1960

Kjelder

• Olav Arne Kleveland, Otra IL 50 år - ei reise gjennom 50 års historie, jubileumsbok utgjeven av Otra IL, 2010, s. 25
• Norske skiløpere, utgjeven 1957
• Møtebok for Hornnes idrottslag