Berdalsbru

Berdalsbru er ei grend i Bykle. Ho har namn etter Berdalsbru over Otra, og ligg på vestsida av elva, mellom Hoslemo og Berdalen. Det er ei lita bygd, med nokre få bustader på eigedomar utskilde frå Hoslemogardane. Hoslemo bedehus ligg ved Berdalsbru.

Ved Berdalsbru går det veg vestover ca. 4 kilometer til den svære Vatndalsdammen.

Historie

I slutten av april 1940 blei den flotte steinkvelvbrua over Otra ved Berdalsbru sprengd av norske motstandsfolk. Tyskerane bygde opp ei mellombels bru av tømmer. Dagens bru er frå 1962.

Kjelder

• Om Berdalsbru på Lokalhistoriewiki.no
• Aanund Olsnes, Heimar og folk i Bykle, 2006
• Kart, GISLINE Webinnsyn Setesdal
• Reidar Tveito, Riksveg 9 - Bruer og særtrekk langs vegen, utgjeve på eige forlag, 2014, side 215