Englevingen

Englevingen er ei jenteforeining (misjonsforeining) i Evje. Hovudføremålet er å arrangere basar kvart år i november på Tryggheim bedehus. Mest kvar veke møtast jentene heime hos ei av dei for sosialt samvær og for å lage gevinstar til basaren. For tida er samværet mykje hos Marri-Ann Galteland. Det er ingen formell leiar i gruppa, men Valborg Hauan er som oftast møteleiar under basarane.

Frå 2013 har foreininga også ei eiga borneforeining, Englevingen junior. Inger Lise Stulien er leiar for dette arbeidet, der det alt har blitt ein stor flokk på 30-40 born.

Foreininga starta opp rundt år 2000. Kvart år sidan, med unnatak for 2013, har jentene gjennomført basar på Tryggheim. Overskotet frå basarane går til ulike tiltak i regi av Norges Misjonssamband (NMS). For tida (2014) går pengane til landsbyutvikling på Madagaskar. NMS samarbeider med NORAD om prosjekta. For kvar krone som kjem inn på basaren, yter NORAD ni kroner.

Kjelde

Opplyst av Valborg Hauan i personleg samtale med Geir Daasvatn 10. november 2014

Kjelde

Eksterne lenker