John N. Hornnes

John Nottoson Hornnes var fødd 18. juni 1836 og døydde 6. juni 1917. Han var gift med Åsa G. Hornnes, som var fødd 25. november 1848 og døydde i 1884.

John N. Hornnes var gardbrukar og overtok bruket Haugen i Hornnes (garden) då han vart myndig i 1857. Han var særs interessert i både skogen og gardsstellet. Men han hadde mange interesser elles. Han sat i styret for Nedenes Amts Skogselskap 1898-1910. Han var postopnar i Hornnes i 52 år (1865-1917). Han sat i heradsstyret i fleire år. Han var ordførar i Hornnes kommune 1879-1881 og varaordførar 1885-1888. Han var medlem av forstandarskapet i Evje og Hornnes Sparebank 1864-1899, med i styret i banken i seks år og i kontrollnemda i fire år.

Heider

• Kong Oscar II sin sylvmedalje med diplom for arbeidet med jorddyrking og betring av feslaget
• Kong Haakons fortenestemedalje i sylv for lang og tru teneste som postopnar m.m.

Kjelde

• Olav O. Uleberg, Hornnes I, Gards- og ættesoge, utgjeve av Hornnes bygdesogenemd, 1969, s. 352