Nånes (Bygland)
Foto: Geir Daasvatn
Nånes er ein gard (gnr. 50) i Bygland, på vestsida av Byglandsfjorden, mellom Frøyrak i sør og Skjevrak i nord. Grensa i sør går over toppen av Nånesveten. Bustadhuset på garden skal vere oppsett i 1850. Det er ikkje fast busetnad på garden i dag, men eit nytt bustadhus på Nånesodden.
Bronsealderfunn
Heilt ytterst på Nånesodden, ikkje langt frå husa på garden, ligg det eit fornminne, ei åsrøys. Under arbeid med erosjonssikring langs Byglandsfjorden blei gravrøysa nærare undersøkt. I grava fann ein mellom anna ein pinsett som seinare er datert til bronsealderen. Dette var overraskande, fordi fagfolka tidlegare hadde datert røysa til jernalderen.
Kjelder
- Gardskart på nett
- Norges Bebyggelse, herredsbindet for Aust-Agder, vestre del, Oslo 1956, side 109
- Reidar Bolling, Gards- og ættesoge for Bygland, utgjeve av Bygland bygdesogenemnd, 1952, side 317-319
- Om funnet på Nånesodden i hos austagderfk.no
Kart
- [