Olav Knutsson Tveiten: Skilnad mellom versjonar

Versjonen frå 28. juni 2013 kl. 10:44

Olav Knutsson Tveiten (fødd 1758, død 5. oktober 1837) var bonde og lensmann i Valle. Han budde på Tveitetunet. Han var ein av tre utsendingar frå Råbyggelaget til Riksforsamlinga på Eidsvoll.

Som evnerik ungdom gjorde presten Reier Gjellebøl han til omgangsskulelærar i 1776, 18 år gammal. Han heldt fram med det til 1785. I 1783 gifta han seg med Gyro Gunnufsdtr. Kvestad og i 1788 overtok han garden etter foreldra. Då hadde han alt vore lensmann eit par år, han vart lensmann i 1786 og heldt fram til kort før han døydde, då sonen Bjørn Kvestad overtok som lensmann.

I 1797 var han i barselselskap i Brokke. Der kom han i slagsmål med Torjus Rysstad, som vart drept. Etter først å ha blitt dømt for drapet, vart Olav Knutsson Tveiten frikjent i Høgsterett med grunngjeving at han handla i naudverge. Dermed kunne han halde fram som lensmann.

Eidsvollsmann

Som Eidsvollsmann var Olav Knutsson Tveiten for sjølvstende. Han var ein av dei første som skreiv under på eit forsvar for odelsretten. Han var ein støttespelar for Christian Magnus Falsen og Christian Frederik. Det vart fortald at han sovna under handsaminga av saka om rang og ordenar, og måtte bli vekt før avstemminga. Då han vart vekt, spurde han kva Falsen hadde stemt, og så stemde han som han. Han var medlem av deputasjonen som gav Christian Frederik melding om kongevalet.

Etter Riksforsamlinga på Eidsvoll var Olav Knutsson Tveiten ikkje aktiv i politikk. Kona Gyro døydde i 1822, dei hadde sju barn. I 1824, 66 år gammal, gifta han seg med søskenbarnet til første kona, Margit Olsdtr. Harstad, som var 45 år yngre enn mannen. Med henne fekk han fem barn. Han døydde i 1837, 79 år gammal. I 1909 vart det reist ein bauta til minne om han på Valle kyrkjegard. Kvart år på 17. mai blir det lagt ned krans på denne bautaen.

Litteratur

O. A. Aalholm: “Ole Knudsen Tvedten 1758–1837”, i Aust-Agder-Arv. Årbok 1963 og 1964, Arendal 1972
J. Jansen: biografi i NBL1, bd. 17, 1975
Alfred Ryningen: Valle kommune, bd. 1: Gards- og ættesoge Hylestad, Valle 1985, s. 342–343
d.s.: Valle kommune, bd. 3: Gards- og ættesoge, Valle 1987, s. 272–274
Leonhard Jansen og A. Ryningen: Valle kommune, bd. 7: Kultursoge, Valle 1994, s. 398–401
Olav Bø: Setesdal – frå utkantbygder til kraftsentrum, 1991, s. 50–52

Kjelder

Gustav Sætra: Olav Knutsson Tveiten i Norsk Biografisk Leksikon

@@ Line 10: / Line 10: @@
 Etter Riksforsamlinga på Eidsvoll var Olav Knutsson Tveiten ikkje aktiv i politikk. Kona Gyro døydde i 1822, dei hadde sju barn. I 1824, 66 år gammal, gifta han seg med søskenbarnet til første kona, Margit Olsdtr. Harstad, som var 45 år yngre enn mannen. Med henne fekk han fem barn. Han døydde i 1837, 79 år gammal. I 1909 vart det reist ein bauta til minne om han på [[Valle kyrkjegard]]. Kvart år på 17. mai blir det lagt ned krans på denne bautaen.
+==Litteratur==
+*O. A. Aalholm: “Ole Knudsen Tvedten 1758–1837”, i Aust-Agder-Arv. Årbok 1963 og 1964, Arendal 1972
+*J. Jansen: biografi i NBL1, bd. 17, 1975
+*[[Alfred Ryningen]]: Valle kommune, bd. 1: Gards- og ættesoge Hylestad, Valle 1985, s. 342–343
+*d.s.: Valle kommune, bd. 3: Gards- og ættesoge, Valle 1987, s. 272–274
+*[[Leonhard Jansen]] og A. Ryningen: Valle kommune, bd. 7: Kultursoge, Valle 1994, s. 398–401
+*[[Olav Bø]]: Setesdal – frå utkantbygder til kraftsentrum, 1991, s. 50–52
 ==Kjelder==
-*[http://nbl.snl.no/Olav_Knutsson_Tveiten/utdypning Olav Knutsson Tveiten i Norsk Biografisk Leksikon]
+*[http://nbl.snl.no/Olav_Knutsson_Tveiten/utdypning Gustav Sætra: ''Olav Knutsson Tveiten'' i Norsk Biografisk Leksikon]
 {{DEFAULTSORT:Tveiten, Olav Knutsson}}