Storrvollen (Bygland gnr. 19 bnr. 2)

Storrvollen med det gamle våningshuset. Til høgre skimtar ein det nye bustadhuset på garden.

Foto: Geir Daasvatn

Storrvollen er eit gardsbruk (gnr. 19 bnr. 2) på Søndre Frøysnes i Bygland. Til bruket høyrer også eigedomane Lisle Skagestøyl og Støylehomneset på Ose. Det gamle våningshuset på garden, Storrvollhuset, skal i si tid ha vore det største i Bygland. Torbjørn Frøysnes eig garden i dag. Han er gift med Svanhild Frøysnes (fødd Sømme). I 1983 flytta dei inn i nytt hus på garden.

Historie

Heile Frøysnes låg truleg øyde ein periode fram mot 1600-talet. Då det kom folk igjen på garden, rundt 1600 eller kanskje litt før, blei Frøysnes delt i to gardar, Nordre Frøysnes og Søndre Frøysnes. Søndre Frøysnes var ein gard til rundt 1660. Då skjedde ei todeling. Oppigard utgjorde 1/3 av den samla garden, og Storrvollen 2/3. Kjetil Salveson Ose vart eigar av Storrvollen. Broren Salve Salveson Ose fekk den mindre Oppigard. I Nordigard på Nordre Frøysnes blei ein tredje bror, Gunnar Salveson Ose, buande.

Sjå også

• Storrvollhuset

Kjelder

• Reidar Vollen, Bygland gard og ætt, bind IV, utgjeve av Bygland kommune, 2006, side 139-141 og side 176-216
• Storrvollen (bnr. 2) på Gardskart.no