Til deg min heimlegt alltid stend

Til deg min heimlegt alltid stend er ein bydesong til Hylestad av Gunnar T. Hovet, også kalla Gunnar Skagemo Hovet. Den går på melodien Min gode fagre barneheim og har i følge Kari Bjørgum vore nytta noko, særleg 17. mai på Nomeland bedehus.

Til deg min heimlegt alltid stend,

du fagre Hylestad.

Du sviv i tanken der eg gjeng,

i draumar og i kvad

Du ligg som sveipt imillom fjell

og fagre liedrag

der elvi stilnar som til kveld

frå foss og ville brak.

Frå dalen mot det høge blå

der ris dei bratte fjell.

Kvar ser du venar' syn som var

ved solarglad og kveld?

Me kjenner kvar ein stig og sein

med trøytte fotefar

der kjære minne etter dei

i tanken speglar av

Her sleit dei gamle livet ut

i strev og tronge kår,

og sutlaus vanka eg og du

dei glade barneår

Lat aldri minni falme av

i denne fagre grend

om dei som kviler i si grav

til livsens morgon renn

Kjelde

• Sangark frå Hylestad skule.