Torjus J. Nomeland

Torjus J. Nomeland (fødd 8. juli 1913, død 5. desember 2004) budde på Valle aldersheim den siste tida. Han etterlet seg kona Jorunn Nomeland, døtrene Vesla og Birgit, svigerbarn, barnebarn og annan familie. Gravferda var frå Hylestad kyrkje torsdag 16. desember 2004 klokka 13. Etter gravferda var det minnestund i Hylestad soknehus.

Torjus Nomeland var bonde, kommunepolitikar og forfattar. Han budde på Nomeland i Hylestad. Han var den siste ordføraren i gamle Hylestad, og den fyrste ordføraren i den nye Valle kommune etter samanslåinga frå 1. januar 1962. Han arbeidde hardt for å plassere Hylestad skule på Nomeland, i ettertid gav han uttrykk for at han trega litt på den plasseringa. Han fekk og bygd Hylestad soknehus på Rysstad før kommunesamanslåinga. Her hadde folk ein stad å drive kulturarbeidet i bygda.

Bibliografi

• Miskunnætti, roman. Noregs boklag, 1980. 172 sider ISBN 82-522-0451-1
• Svennebrevet, roman. Noregs boklag, 1982. 179 sider ISBN 82-522-0503-8
• Hopehav, dikt og stev. Setesdalsforlaget, 2000. 32 sider ISBN 82-91820-78-3
• I mi tid Erindringsbok: So levde me på ein gard i Setesdal i fyrste halvdelen av 1900-talet. Setesdalsforlaget, 2002. 75 sider, illustrert. ISBN 82-91820-90-2

Kjelder

• Sigurd Haugsgjerd: Torjus Nomeland til minne. Minneord i Setesdølen nr. 98, 2004 side 2
• Dødsannonse i Setesdølen nr. 98, 2004 side 2