Torgeir Uleberg

Torgeir Uleberg
Torgeir 2010. Foto: Geir Daasvatn
Født:	1948 (alder 77–78)

Torgeir Uleberg (fødd 1948) er pensjonert landpostbud og bur på småbruket Kleven på Øvre Dåsvatn i Dåsvannsdalen i Hornnes. Han arbeidde i Posten Norge i 47 år. Han begynte som landpostbud i Hornnes 1. februar 1970. Ved sida av jobben som landpostbud, dreiv han i mange år med mjølkekyr på garden.

Torgeir er ein framståande skyttar. Han vann felthurtigskytinga («Stuparen») på Landsskytterstevnet 1989 på Evjemoen, og blei nr. 2 i Kristiansand ti år tidlegare. Fem gonger har han vore mellom dei fem beste i denne spesialgreina.

Han er også ein ivrig turløpar i langrenn. Han har gått Sesilåmi 33 gonger, Birkebeineren ti gonger og også vore med i Vasaloppet i Sverige. Han har motteke Otra ILs Ærespris for mangeårig administrativt arbeid og dugnadsarbeid i skigruppa i Otra IL.

Foreldra til Torgeir var Torborg Uleberg (fødd Dåsvatn) og Søren T. Uleberg. Han var gift med Laila Tønnessen, men dei er skilde. Saman har dei borna Torunn Uleberg (fødd 1970), Marianne Uleberg (fødd 1972) og Jon Uleberg (f. 1979).

Kjelder

• Sigurd Haugsgjerd, - I dag er det flaut å jobbe i Posten, artikkel i Setesdølen nr. 13, 2017, side 5
• Olav O. Uleberg, Hornnes I, Gards- og ættesoge, utgjeve av Hornnes bygdesogenemd, 1969, side 294
• Torleiv Vika, Våre røter - Kleven, Øvre Dåsvatn, utrykt slektsskrift, 2002