Setesdal og setesdølar

Det vakre omslaget til den første utgåva.

Foto: Setesdal Sogelag/Setesdalstrykk

Setesdal og setesdølar er eit årsskrift for Setesdal Sogelag. Årsskriftet kom første gong ut i mars 2015. Redaktør for den første utgåva var Andres Helle.

Setesdal Sogelag vart skipa 10. april 2013 på Setesdalsmuseet. Laget dekker dei tre kommunane Bygland, Valle og Bykle. Styret i det nye laget bestemte seg våren 2014 for å få til eit årsskrift. Andres Helle vart med i dette arbeidet, som koordinator og redaktør. I eit føreord til den første utgåva skriv han at dette synte seg å vere eit jomfrueleg arbeid, og at det vel ikkje har vore eit liknande prosjekt i Setesdal sidan etableringa av Jol i Setesdal i 1962.

Årsskriftet er tenkt å vere årleg, og kjem etter planen ut før påske.

Utgjevingar

• Setesdal og setesdølar 2015

Kjelder

• Setesdal og setesdølar, årsskrift for Setesdal Sogelag, 2015, s. 4-5