Otra Kraft

Jubileumsboka

Otra Kraft sitt hovudkontor på Rysstad.

Foto: Siri Johannessen

Skarg kraftstasjon i Bykle vart bygd i 2014.

Siri Johannessen (2021)

Otra Kraft DA er eit selskap som vart etablert i 1960 som IS Øvre Otra. Dei som etablerte selskapet var Aust-Agder Kraftverk, Kristiansands Elektrisitetsverk og Vestfold Kraftselskap. Eigarar i dag er Å Energi Vannkraft AS (68,6 prosent) og Skagerak Kraft AS (31,4 prosent). Hovudkontoret ligg på Nomeland i Hylestad.

Anlegga

Mellom kraftanlegga til Otra Kraft er tre kraftstasjonar. Det er Brokke kraftverk, Holen kraftverk (Holen 1 + 2 og Holen 3) og Skarg kraftstasjon. Den fyrste vart bygd i perioden frå selskapet vart starta til 1964/65, då dei tre første aggregata vart sette i drift. I 1976 kom eit fjerde aggregat. Den andre kraftstasjonen vart ferdig og sett i drift i 1981. Den tredje, Skarg, er heilt ny og vart sett i drift i 2014.

Til saman er det sju aggregat i dei to første kraftstasjonane. Variasjon i vassmengde avgjer kor mykje kraft ein kan ta ut i året. Samla innstallert yting er 900 MVA. Ved konstruksjonsfallhøgde kan ein ta ut 656 MW. Gjennomsnittsproduksjonen i Otra Kraft sine anlegg dei siste 10 år (2011–2020) er 2 792 GWh, som er om lag 2,2% av den totale vasskraftproduksjonen i Norge. I 2019 var produksjonen 2 964 GWh (106 % av gjennomsnittet siste 10 år). Produksjonen utgjer forbruket til ca. 180 000 husstandar.

Operatøravtale med Å Energi

Å Energi Vannkraft er operatør av Otra Kraft sine anlegg. Verksemda blir regulert av en operatøravtale. Operatøren står for dagleg drift, vedlikehald og prosjektgjennomføring ved Otra Kraft sine kraft- og reguleringsanlegg.

Dagleg leiing Otteraaens Brugseierforening

Otra Kraft har ein avtale med Otteraaens Brugseierforening om at dagleg leiar av Otra Kraft, Grunde Johnsen, ivaretar den daglege leiinga og administrasjon i Otteraaens Brugseierforening.

Tilsette

Otra Kraft har bare fire tilsette. Det er:

• Kraftverksdirektør Grunde Johnsen
• Sjefsingeniør eigedom og vassdragsverksemd Gjermund Espetveit
• Sjefsingeniør elektro Torstein Bjørgum
• Sjefsingeniør maskin Åsulv Haugetveit

Utbygginga

Utbygginga har gått i ei rekke trinn i løpet av dei 60 åra. Nedanfor fylgjer eit oversyn, der pengesummane er etter verdien på byggetidspunktet:

Byggetrinn 1

Brokke 1 vart bygd frå 1961 til 1964 og kosta 296 millionar. Av dette gjekk 43 millionar til å bygge 279 km linjer. I tillegg vart det bygd ein 27 km lang tilløpstunnel til kraftstasjonen på Nomeland i Hylestad. Ni sideelvar vart tekne inn i tunnelen.

Byggetrinn 2

Brokke 2 vart fullført frå 1974 til 1978 og kosta 209 millionar. I denne utbygginga var mellom anna dam ved Botsvatn.

Byggetrinn 3

Brokke 3 vart gjennomført frå 1979 til 1982 og omfatta overføring av Otra frå Lislevatn til Vatndalsvatnet. Holen kraftverk var i drift frå 1981, Breive pumpestasjon i 1982 og Vatndalsdammen i 1983. Dette byggetrinnet kosta 1780 millionar.

Byggetrinn 4

Brokke 4 omfatta utbygginga av Skarje og pumpestasjon og aggregat 3 i Holen. Det kosta 495 millionar og vart gjennomført i 1987 til 1990.

Byggetrinn 5

Byggetrinn 5 kosta 68 millionar og vart gjennomført frå 1995 til 1997. Dette byggetrinnet omfatta Urevassdammen.

Kjelder

• Jostein Blokhus: Med kraft gjennom dalen i 50 år. Artikkel i Fædrelandsvennen Innsikt 19. oktober 2011 side 2 og 3
• Olav Egeland: Otra Kraft
• Årsmelding 2019 Otra Kraft DA

Eksterne lenker

• Otra Kraft si heimeside
• Otra Kraft. Jubileumsbok.
• Årsmelding 2020 Otra Kraft DA