Sæbyggjen (tidsskrift)

Sæbyggjen var eit tidsskrift som Torgeir Bjørnarå gav ut. Første nummeret kom ut i Kristiansand 16. april 1890. Med seg i redaksjonen hadde han Lars Liestøl og Gunnar T. Rysstad. Men etter to år måtte tidsskriftet gje opp. Siste nummer kom ut 11. mai 1892.

På tittelbladet hadde Gunnar T. Rysstad og Torgeir Bjørnarå kvart sitt vers:

Her arbeid er for kvar og ein:
For sume til å rydja
og syva tre og velta stein;
for andre til å byggja.
Kom med, kom med i syskinlag
til dette verk å stydja.
                    G.R.

Aa, den som fekk njota den herlege lukka
å turka ei tåra av desse, som sukka,
og spreida den kalde og tokutte eimen
og sleppa Guds sol inn i fatike heimen!
                    T.B.

Kjelder

• Bjørn Aakre: På minnevegar. Artikkel i Setesdølen nr. 14, 1992 side 4
• Eit språk blir til - 1890. Omtale i allkunne.no