Onsdagsprogram Valle Radio 20110126
Onsdagsprogram Valle Radio 20110126 syner programmet for Valle Radio onsdag 26. januar 2011. Denne kvelden var det møte i Valle kommunestyre. Teknikar var Jørund Georg Jore og programleiar var ordførar Bjørgulv Sverdrup Lund.
Det blir orientering om reiselivssatsinga i Setesdal ved Lasse Eidskrem og Eigil Rian i forkant av kommunestyremøtet.
Program
PS 1/11Referatsaker
- RS 1/11 Møteprotokoll frå formannskapet 12.1.11
- RS 2/11 Månadsrapport frå rådmannen
- RS 3/11 Revidering av reglar for Valle kommune sin kulturpris
PS 2/11Rådmannen orienterer
PS 3/11Ordføraren orienterer
PS 4/11Førespurnader
- Førespurnad frå Valle bygdekvinnelag ved Sissel Åkre om Menighetshus og kyrkjestoge.
- Førespurnad frå Valle Mållag ved Sissel Åkre
PS 5/11Høyringsuttale til ny folkehelselov
- Vedtak i formannskapet 12. januar 2011
- Formannskapet/kommunestyret vedtar høyringsuttale til ny folkehelselov.
PS 6/11Høyringsuttale til ny kommunal helse- og omsorgslov
- Vedtak i formannskapet 12. januar 2011
- Formannskapet/kommunestyret vedtar framlagte høyringsuttale til ny helse- og omsorgslov
PS 7/11Søknad om midlar til satsning på barnevernet
- Vedtak i formannskapet 12. januar 2011
Valle kommunestyre støttar at Valle, som vertskommune for Setesdal barnevern som er det interkommunale barnevernet for kommunane Bykle, Bygland og Valle, søkjer Fylkesmannen om øyremerka midlar til styrking av det kommunale barnevernet. Setesdal barnevern søkjer om kr 1.000.000 for å styrke barnevernet med 150% stilling.
PS 8/11Høringsuttale om sakshandsamingsreglar ved utskriving av eigedomsskatt - oppretting av statleg klageorgan
- Rådmannen tilrår
- Valle kommune stør opp om høyringsuttalen frå KS som er slik:
- Klageordninga for eigedomsskatt bør vere kommunal både når det gjeld verdsetjing og andre klagegrunnar
- Utviding av mynde til nemndene som handsamar klagar over verdsetjing vil gje uavhengigheit frå kommunestyret og sikre rettstryggleiken til skatteytarane
- Ein kan innføre klageordninga ved at eigedomsskattelova §§ 19-20 trer i kraft
- Om fylkesmannen vert klageinstans i saker om eigedomsskatt bør det verte opna for at kommune skal kunne reise søksmål mot staten vedkomande skattevedtak som ikkje er til gunst for kommunen.
- Forvaltningslova bør i hovudsak gjelde ved utskriving av eigedomsskatt, og nokre av reglane bør endrast slik at dei høver til eigedomsskattens karakter. Dette gjeld særs reglane om å grunngjeve eit vedtak og dekking av saksomkostningar.
- KS er for opplysnings- og medverknadsplikt for skattytarar
PS 9/11Oppløysing av Agderrådet
- Rådmannen tilrår
- Valle kommune er samd i at Agderrådet vert oppløyst så snart som råd, seinast i samband med kommunestyre- og fylkestingsvalget i 2011.
- I 2011 må det arbeidast aktivt med korleis prosjekt, utval og initiativ, og økonomiske skyldnader som Agderrådet har teke på seg, skal ivaretakast og eventuelt førast vidare. Dette arbeidet må sjåast i samanheng med organisering og oppfølging av Regionplan Agder 2020.
- Valle kommmune er samd i at arbeidsutvalet i Agderrådet står for det vidare arbeidet med oppløysing av Agderrådet.
PS 10/11Til endeleg handsaming: "Strategisk plan for kultur og næring Valle kommune 2011-2014"
- Vedtak i formannskapet 12. januar 2011
1. ”Strategisk plan for kultur og næring” blir vedteken som lagt fram i forslaget sendt ut til høyring, med følgjande tillegg, markert med kursiv:
- 3.2. Natur- og kulturbasert næring
- Kulturlandskapet, heia og stølsmiljøet utanfor verneområdet skal bli meir tilgjengelege for både turistar og fastbuande, og Valle skal framstå som ein profesjonell fritidsvert. Det lokale særpreget og tradisjonskunst skal løftast fram som ei merkevare, og kombinerast med nyutvikling.
- Konkrete prosjekt og tiltak som skal jobbast vidare med:
- Kartleggje korleis Sylvartun kan vidareutviklast og sikrast. Forstudium og forprosjekt i samarbeid med aktuelle aktørar
2. Endringa fører med seg eit ekstra punkt i framdriftsplanen, der det også er gjort ei retting i høve namnet på sentrumsforeininga i Hylestad; ”Rysstad i vekst”.