Åslaug Nottosdotter Birkås

Aslaug Nottosdotter Birkås frå Hornnes var fødd i 1817 og døydde i 1890, 73 år gamal. Ho var eldste dotter til Notto Salveson Hornnes. Ho blei i 1836 gift med Simon Alfson Roland.

I 1852 fekk ektemannen husmannssetel på plassen Birkås nordre (Birkåsen) i Hornnes mark. Det var han som fyrst rydda og bygde hus her frå 1852 og utover. Han og familien tok då Birkås til etternamn.

Aslaug og Simon Alfson fekk fleire born saman. Den eldste sonen var Alv Simonson Birkås. Han vart fødd på Fjellestad i 1841. Alv Simonson vart seinare far til treskjeraren Salve Birkås. Aslaug var såleis farmor til han.

Kjelde

Alf Georg Kjetså og Torgrim Dåsnes, Treskulpturar av Salve Birkås, utgjeven av Evje og Hornnes sogelag, 2007