Salve Birkås

Salve Birkås, fødd 1881 og død 1941, skogsarbeider og treskjerar som budde på Kjetså i Hornnes. Han var son til Alf Simonson Birkås og kona Tomine Taraldsdotter Holmsland frå Søgne. Birkås tok tidleg til å skjere ut figurar i tre, og utvikla seg snart til ein dugande kunstnar. Han blei kjend langt utanfor bygda for sine livaktige treskulpturar av dyr og folk, og vann fleire gonger førstepremie for arbeida sine på utstillingar.

Nokre av arbeida til Birkås finnast enno i bygda. Mellom anna heng det ei vakker treskjering - eit krusifiks - av Jesus på korset i Hornnes kyrkje. Men mykje - deriblant mange av dei beste arbeida - er spreidde rundt omkring i landet og endå lenger.

Kjelder

Alf Georg Kjetså og Torgrim Dåsnes, Salve Birkås - ein gløymd bygdekunstnar, artikkel i Arnstein, 2005, s. 34-35