Arnstein

Arnstein, årsskrift for Evje og Hornnes sogelag. Føremålet med skriftet er å halde farne tider i minne. I skriftstyret sit (2014) Oddmund Mogstad, Erik Kjebekk, Ivar Haugen, Kåre Hodne, Rita Flottorp, Eva Haugen Sørgaard og Anfinn Lislevand.

Sogelaget tok til å gje ut Arnstein i 1994, i Mogstad si tid som leiar, og han har hatt hovudansvaret for årsskriftet sidan.

Årsskriftet er kalla opp etter Arnstein, som er den første mannen i bygda ein kjenner namnet til. Han reiste rundt år 1016 ein bauta på Listeinsmoen i Rosseland mark i Evje til minne om son sin, Bjor, som fall i Knut den Mektige sin hær i England då han la landet under seg. Delar av bautaen (Galtelandsteinen) er teken vare på og ligg i Universitetets Oldsaksamling i Oslo. Ein kopi av bautaen er i nyare tid sett opp i Fossvik på Verksmoen (Listeinsmoen) på Evje.

Kjelder

• Olav O. Uleberg, Kultursoge for Evje og Hornnes, band 1 (1990)
• Arnstein 2012