Tjostolv Nordal
Tjostolv Nordal (fødd 23. juni 1922 i Nissedal, død 2. mai 2014 i Skien) budde i Skien. Han var sjuk dei siste åra av livet. Tjostolv Nordal var predikant. Han starta sitt virke i Langesundsfjorden indremisjonsselskap, frå 1961 til 1964 var han kretssekretær i Agder krets av Indremisjonsselskapet. I denne tenesta var han i Valle Indremisjon som talar, og han var ein viktig samarbeidsmann i samband med Internatmøta i Valle. I 1964 vart han vald inn i Oddernes kommunestyre for Kristelig Folkeparti, men kommunen var slått saman med Kristiansand frå 1965, så den politiske karrieren hans der vart kort.[1]
Tjostolv Nordal etterlet seg kona Signe og tre barn, Gunhild, Torgeir og Aslaug. Dottera Olaug var død tidlegare. I tillegg etterlet han seg svigerbarn, barnebarn og oldebarn. Bisettelsen var frå Nordre gravlund i Skien fredag 9. mai 2014 klokka 10. Like kjært som blomar var ei gåve til Kyrkjebygda bedehus i Nissedal, Normisjon og Det norske Bibelselskap.
Kjelde
- Dødsannonse i Fædrelandsvennen tysdag 6. mai 2014 side 29
- Sverre Lund: Valle Indremisjon 100 år 1992 side 61 ISBN 8299246806
Referanser
- ↑ Nils Otto Hægeland: Kristelig Folkeparti i Vest-Agder gjennom 50 år 1997 ISBN 8299417007 side 269