Christian von Koss
| Christian von Koss | ||
|---|---|---|
| Født: | 31. oktober 1698 | |
| Død: | 1. november 1758 (60 år) | |
Christian von Koss (fødd 31. oktober 1698, død 1. november 1758 i Bygland) var ein offiser av mecklenburgs uradel som levde i Noreg. Han utmerka seg i krig, steig i gradene til oberst, og blei sjef for 2. Råbygdelagske kompani. Han døydde på tenestereise i Bygland, etter ei ulukke i Storstraumen. Båten han sat i kvelva. Han kom seg på land, men døydde av strabasane same kvelden. Han skal vere gravlagd på Austad gamle kyrkjegard.
Det går mange soger om von Koss. Mest i Telemark, men også i Setesdal. På folkemunne blei han gjerne kalla Svarte-Kaas. Han var ein av initiativtakarane til det mislukka forsøket på å grave ein kanal forbi Storstraumen.
Kjelder
- Vilborg Stubseid Hovet, Ein historisk stad. Liv og lagnad i Austad sokn, utgjeve av Setesdalsmuseet, 2024, side 129–143