Slåtten

Slåtten var den lengste og hardaste onna i det gamle jordbruket i Setesdal.

Slåtten (i Valle) blei gjerne rekna å ta ti veker, frå 6. juli til krossmesse (14. september). Men desse datoane kunne sjølvsagt variere noko. Det meste av jorda heime på garden blei brukt til åkrar. Skogs- og heieslåttane var difor avgjerande for å kunne samle saman nok fôr til vinteren. Ein viktig del av slåtten var støylslivet, der folk og dyr var på støylen nokre veker om sommaren.