Anders Olson Hytta
| Anders Olson Hytta | ||
|---|---|---|
| Født: | 1896 | |
| Død: | 13. desember 1980 (alder 83–84) | |
Anders Olson Hytta (fødd 1896, død 1980) var ein spelemann frå Åraksbø i Bygland. Han var son av spelemannen Olav Helleikson Hytta. Anders var kjend som ein framifrå dansespelemann, av dei beste i Bygland i nyare tid. Han var med på mange kappleikar, og fekk mange premiar. Han var den «faste» spelemannen i Åraksbø Ungdomslag, saman med Taddeiv Rosevadd.
Anders dreiv med jord- og skogsarbeid, og dreiv mølla ved Hovassåni som faren hadde drive før han. Han var nevenyttig, og laga møbler for folk. Han var også i ein periode vegarbeidar. I 1920-åra arbeidde han to-tre sesongar på Bjoren. Han var den første i Åraksbø med privatbil.
Kjelder
- Anne Tone Aanby (red.), Spelemannen - og slåttemusikken i Åmli, 2018, side 83
- Reidar Vollen, Bygland gard og ætt, bind V, utgjeve av Bygland kommune, 2008, side 229–230
- Gunnar Lande og Hallvard T. Bjørgum, Setesdal Spelemannslag 50 år. 1930-1980, jubileumsbok utgjeve av Setesdal Spelemannslag, 1981, side 263–264