Innistog (Longerak)
Innistog er ein gard i Bygland kommune (gnr. 54/1). Den ligg nede ved Byglandsfjorden midt i bygda Longerak.
Dei eldste kjende eigarane er Svenke Langerak som åtte garden i 1612, og sonen Olav Svenkeson i 1624. Garden har truleg hatt odelskrav, noko som blei tydeleg etter at Sigrid, dotter til Olav Gjermundson som åtte garden i 1723, vigde med Torgeir Olavson Fennefoss. Torgeir Olavson avtala i 1735 eit odelsbyte mellom Fennefoss og Longerak med Olav Gunnarson Langerak, Olav Gunnulvson Langerak og Børulv Torkjelson Fennefoss.
Frå Innistog emigrerte Eivind Olavson (fødd 24. september 1864[1]) til Amerika i 1892, og Åsulv T. Langerak (fødd 1886) i 1903. Fleire lærarar kjem og herfrå, Gunnstein T. Langerak (fødd 1891) var rektor ved Hornnes Landsgymnas og broren Olav T. Langerak (fødd 1874) var lærar på Bygland 1895–1941, han var utdanna ved Ullmans seminarium i Seljord. Mannen til Mari Olavsdotter Longerak (fødd 1899) var landbruksskulestyrar Olav Tverdal frå Rennebu (fødd 1898).
Kjelder
- Bolling, Reidar: «Innistog. Br.nr. 1.» i Gards- og ættesoge Bygland, utg. 1952, s. 357–358.