Kyrkjeled
Foto: Geir Daasvatn
Kyrkjeled er ein stad ved Einangsvegen i nordkanten av Homme i Valle. Her var vegen stengd med ei grind – eit led. Det var for å halde orden med dyra som gjekk på beite. Når dei frå Oveinang kom på kyrkjeveg måtte dei gjennom grinda. Ho var i bruk til slutten av 1950-åra.
Historie
Kyrkjeled var husmannsplass frå slutten av 1700-talet. Eigedomen blei skyldsett som eige bruk i 1957.
Kjelder
- Leonhard Jansen m.fl., Frå postveg til riksveg - vegar og vegminne langs riksveg 9, Bokbyen Forlag, 2018, side 156
- Alfred Ryningen, Valle kommune V Gards- og ættesoge Valle, utgjeve av Valle kommune, 1987, side 539–545