Dalstøyl
Foto: Geir Daasvatn
Dalstøyl er eit gardsbruk (gnr. 60 bnr. 17) på Uppstad i Valle. Bruket blei skild ut frå Oppigard Uppstad i 1906. Rundt 1910 var det geitemeieri her. Bjørgulv T. Harstad kjøpte garden i 1937. Han sette opp nye hus og braut opp ein god del jord. Muren under løa er mura av spesielt fint hogne steinar.
Under andre verdskrigen var Dalstøyl ei tid skjulestad for Jon Å. Haugeland og Gunnar Nordgaard, då dei måtte flykte frå tyskerane under opprullinga av Milorg på Sørlandet («Laudalorganisasjonen»). Bjørgulv Harstad sytte for det dei trong av mat og anna.
Kjelder
- Karin Bøe, Sogevandring i Hylesdalen 18. juni 2022, stykke i Setesdal og setesdølar 2023, utgjeve av Setesdal sogelag, side 13
- Leonhard Jansen og Alfred Ryningen, Valle kommune VII, Kultursoge 1, utgjeve av Valle kommune, 1994, side 559