Tveitsund bru
Foto: Geir Daasvatn
Tveitsund bru er ei steinkvelvbru på Rv-41 (Telemarksvegen) ved utlaupet av innsjøen Nisser i Treungen i Nissedal i Telemark. Brua blei bygd i 1918. Ho er 62,1 meter lang, og er landets nest lengste steinkvelvbru med eit spenn på 51 meter. Breidda er fem meter, og køyrebanen fire meter. Ho er for smal for to køyretøy til å møtast, så ho er lysregulert. Brua er eit stykke ingeniørkunst av høg klasse. Ho er freda (1999) for å vere eit synleg minne om utviklinga av kommunikasjon og vegbygging.
Kjelder
- Artikkelen om Tveitsund bru på Wikipedia (bokmål), besøkt 9. oktober 2017
- Riksantikvaren om Tveitsund bru
- Omtale på moisund.com