Kjetså motocrossbane
Foto: Geir Daasvatn
Kjetså motocrossbane ligg ved Finnholane mellom Kjetså og Tveit i Hornnes. Banen blei i hovudsak bygd i 2021–2022, og offisielt opna 27. mai 2023.
Banen er bygd av Motorsportgruppa Otra IL. Mange private menneske og verksemder ytte dugnad, praktisk hjelp og økonomisk støtte for at prosjektet kunne bli gjennomført. Evje og Hornnes kommune løyvde 100 000 kroner til tiltaket. Evje og Hornnes Sparebank gav 200 000 kroner. Grunneigar Øyvind Kjetså har stilt arealet til disposisjon.