Skjevraknuten
Skjevraknuten er eit fjell i Bygland kommune på vestsida av Byglandsfjorden. Fjellet er 786 meter høgt og har ein primærfaktor på 20. Skjevraknuten ligg nord for Melejuvet, aust for Austre Trældal og rett vest for Lauvdalsodden. Statens Kartverk har ulike høgder på toppen, både 782 moh og 786 moh.
Skjevraknuten og dei omkringliggande toppane er nokså flate med mykje bart fjell og lyngrabbar, og dette er eit lett terreng å vandre i. For å koma hit kan ein gå etter ein stengd skogsbilveg frå Mele til Bytingsbekken, og fylgje ein sti vidare opp mot bombeflyvraket i Songedalslia. (Sjå Luftkampen over Bygland). Der i frå er det ikkje langt att til snauheia. Ein kan også fylgja traktorvegen som går opp mellom Stallemo og Søjordet, som endar ved Furestøyl. Då kjem ein opp på nordsida av dette heieområdet der Skjevraknuten ligg.