Birtedalen
Foto: Knut Eldhuset
Birtedalen er eit dalføre vest for Nesvatn i Fyresdal, nær grensa mot Bygland. Inst og lengst nord i dalen ligg heiegarden og gjestegarden Kvipt. Det store Birtevatnet fyller mykje av dalbotnen her. Litt lenger ute i Øvre Birtedalen ligg Kile og Tovsli. I Nedre Birtedalen ligg fråflytta gardar som Midtgarden, Neset, Vinsnes og Vik. Det går køyreveg innover til daløret frå nordre enden av Nesvatn.
Birtedalen var opphaveleg ein del av Bygland, og høyrde såleis til Råbyggelaget.
Kjelder
- Norgeskart
- Johan Christian Frøstrup, Vandringer i Setesdal Austhei, Friluftsforlaget, 2014, side 24–25
- Leonhard Jansen og Alfred Ryningen, Valle kommune VII, Kultursoge 1, utgjeve av Valle kommune, 1994, side 72