Vegusdalportalane

Vegusdalportalane er om lag to meter høge og 60 cm breie. Dei har vakre utskjeringar frå segna om Sigurd Fåvnesbane. Portalane stod i ei stavkyrkje som blei sett opp i Vegusdal rundt år 1220. Dei blei funne då ei seinare tømmerkyrkje på same staden blei riven i 1868. Portalane blei då tekne vare på, og sendt til Universitetets Oldsakssamling. Der har dei vore sidan. Bygdekvinnelaget fekk laga kopiar av portalane, som blei sette inn i Vegusdal kapell i 1996.

Vegusdalportalane har mange likskapar med Hylestadportalane og Austadportalane, mellom anna motiva frå segna om Sigurd Fåvnesbane.

Kjelder

• Unni Setane Engesland og Helene Setane, Vegusdal - Kultursoge, 2002, side 70-72
• Leonhard Jansen og Alfred Ryningen, Valle kommune VII, Kultursoge 1, 1994, side 95-96