Byremo vidaregåande skule
Foto: Geir Daasvatn
Byremo vidaregåande skule ligg på Byremo nord i Audnedal. Skulen tilbyr (2022) liner innanfor helse- og oppvekstfag, teknikk- og industrifag, bygg- og anleggsteknikk, elektrofag og påbygging til generell studiekompetanse. Hausten 2018 var det 107 elevar ved skulen. Kapasiteten er minst 130 elevar. Rektor er Jan Telhaug.
I 2017–2018 fekk skulen nytt stort tilbygg, og heile den eksisterande bygningsmassen blei renovert. Utbygginga kosta over 30 millionar kroner.
Skulen er eigd av Agder fylkeskommune.
Kjelder
- Fleire artiklar om utbygging av skulen i Setesdølen nr. 80, 2018, side 6–9
- Byremo videregående skole, annonse i Setesdølen nr. 11, 2022, side 8