Austre Lognevatnet
Foto: Geir Daasvatn
Austre Lognevatnet er eit tidlegare gardsnamn ved Lognavatn i Åseral. Det omfatta fram til slutten av 1500-talet det som i dag er Austegard, Espelid og Håvestøl. I skattelistene for 1600–1601 er både Espelid og Håvestøl nemnt som øydegardar. Dei er då truleg blitt skilde ut frå storgarden Austre Lognevatnet. Men Austre Lognevatnet heldt seg som gardsnamn lenge endå. Først i 1801 er namnet Austegard (Østergaard) tatt i bruk.
Som ein motsetnad til Austre Lognevatnet heitte garden på vestsida av vatnet Vestre Lognevatnet.
Kjelder
- Tarjei Liestøl, Åseral Gard og Ætt bind I, 1976, side 413