Haugan (Valle gnr. 70 bnr. 6)
Foto: Geir Daasvatn
Haugan er eit gardsbruk (gnr. 70 bnr. 6) på Helle i Hylestad. Det ligg lengst sør på Helle, rett på oversida (vestsida) av Riksveg 9. Eigar er Egil Åmlid. Det er nytt sauefjos på bruket, med plass til meir enn 350 sauer.
På gardsbruket står eit gamalt loft (stabbur). «Det er eitt av dei venaste og best bygde i dalen», skriv Alfred Ryningen i gards- og ættesoga for Hylestad. Det skal vere reist av den medgjetne tømmermannen Knut Torjusson Helle (ca 1696-1766). Loftet blei freda av Riksantikvaren i 1941. Den eldste delen av våningshuset på eigedomen er frå 1600-talet.
Kjelder
- Alfred Ryningen, Valle kommune I Gards- og ættesoge Hylestad, utgjeve av Valle kommune, 1985, side 128-138
- Johs. Bjørkeli, Dalen med museum på hver gård, artikkel i God Helg/Fædrelandsvennen 7. oktober 2016