Seljord
Seljord er ein kommune i Telemark i Vestfold og Telemark fylke, i regionen Øvre Telemark. Kommunen grensar i nord til Tinn, i aust til Hjartdal, Notodden og Bø, i sør til Kviteseid, og i vest til Tokke og Vinje. Høgaste punkt er Brattefjell, 1 541 moh. Seljord sentrum ligg ved foten av Skorve, 1 370 moh. Kommunen har (2020) 2 888 innbyggarar.
Seljord ligg ved Seljordsvannet, og har ein omfattande turisttrafikk om sommaren. Bygda har den kjende sjøormen Seljordsormen, Dansebandfestivalen, Countryfestivalen, Seljordspelet og ikkje minst landbruksmessa Dyrsku'n, som har eksistert sidan 1866. Andre helga i september kjem det kvart år 60 000-80 000 til dette arrangementet.