Flotøygarden
Flotøygarden er ein gamal, nedlagd støyl langs Flåtvegen på heia mellom Flatebygd og Høvringsvatnet, nord-aust i Evje og Hornnes. Dei fleste øygardane i Evje og Hornnes ligg innanfor grensene til garden. Men Flotøygard ligg isolert frå resten av garden.
I same område som Flotøygarden, og nokså samla, ligg fleire andre støylar. Det er grunn til å tru at heile området har vore ein støyl ein gong. Etterkvart som garden Flåt blei delt, fekk så kvart bruk sin eigen støyl i området.
Flotøygard var truleg, i mellomalderen, eigen gard. Men så blei han lagt øyde etter Svartedauden.
Kjelder
- Olav O. Uleberg, Kultursoge for Evje og Hornnes, band I, utgjeve av Evje og Hornnes bygdeboknemd, 1990, side 85
- Rita Flottorp, Sogelaget i året som gjekk, artikkel i Arnstein 2013, side 6
- Oddmund Mogstad, Flåtøygard, stykke i Lokalhistoriske perler. På tur med Oddmund Mogstad, utgjeve av Evje og Hornnes Sogelag, 2018, side 189-191
- Faktaark om stadnamnet hos Statens Kartverk